amérika pelestinning b d t gha eza bolushini wéto qildi
amérika qoshma ishtatliri birleshken döletler teshkilati xewpsizlik kéngishide pelestinning b d t gha toluq eza bolushi telep qilghinan qarar layihesini wéto qildi.
türkiye awazi radiyosi xewiri: aljiriye teripidin sunulghan we pelestinning b d t gha toluq eza bolushi telep qilinghan qarar layihesi 15 ezadin teshkil tapqan birleshken döletler teshkilati xewpsizlik kéngishide awazgha qoyuldi.
amérika qoshma ishtatliri ret qilip awaz tashlighan bu qarar layihesini 12 eza qollap awaz berdi, ikki eza awaz bérish hoquqidin waz kechti.
engliye bilen shiwéytsariye awaz bérish hoquqidin waz kechti, rusiye, xitay, firansiye, aljiriye, malta, ékwador, guyana, silowéniye, sérraléyon, mozambik, jenubiy koréye we yaponiye qollap awaz berdi.
qararlayihesining maqullinishi üchün, birleshken döletler teshkilati xewpsizlik kéngishining besh daimiy ezasidin héchqaysisining ret qilip awaz bermesliki we jemiy 9 eza qobul qilip bélet tashlishi kérek idi.
qarar layihesining tékistidin «pelestinning b d t omumiy kéngishige toluq eza süpitide qobul qilinishi tewsiye qilinidu» ibarisi orun alghanidi.
pelestin 2011-yili birleshken döletler teshkilatigha toluq eza bolush üchün iltimas sunghan bolsimu, emma birleshken döletler teshkilati xewpsizlik kéngishide toluq qollashqa érishelmigenidi. pelestin 2012-yili birleshken döletler teshkilatining «daimiy küzetküchi ezasi» salahiyitige érishkenidi.
pelestinning birleshken döletler teshkilatida turushluq daimiy wekili riyad mensur, 2-aprél küni élan qilghan bayanatida, birleshken döletler teshkilati bash katipi antoniyo gutérrésqa mektup yollap, ezaliq iltimasilirigha qayta qarap chiqilishini telep qilghanidi.
bash katip antoniyo gutérrés 3 – aprél küni (2024) birleshken döletler teshkilati xewpsizlik kéngishige mektup yollap, pelestinning telipini küntertipige qoyushni telep qilghanidi.
birleshken döletler teshkilati xewpsizlik kéngishi 8 – aprél (2024) pelestinning telipini «yéngi eza qobul qilish komitéti» gha yollighanidi.
b d t gha eza bolush mesiliside xewpsizlik kéngishige jawab qayturush mejburiyiti bolghan komitét, ikki yighindin kéyin birdeklik hasil qilinalmighanliqini bildürgenidi.
bu özgirishlerdin kéyin, aljiriye pelestinning birleshken döletler teshkilatigha eza bolushi mesilisi toghriliq muzakire ötküzüshni bashlighanidi.
