b d t isirailiyeni agahlandurdi
b d t insanperwerlik ishlirigha mesul muawin bash katipi we jiddiy ishlar kordinatori martin grifits (MartinGriffiths): «ghezzege téximu köp insanperwerlik yardimi yetküzüsh, refahqa keng kölemlik hujumni qanunlashturush menisini bildürmeydu» dédi.
türkiye awazi radiyosi xewiri: b d t insanperwerlik ishlirigha mesul muawin bash katipi we jiddiy ishlar kordinatori martin grifits isirailiyening refahqa quruqluqtin hujum qilish éhtimali toghrisida yazma bayanat élan qildi.
u refahqa hujum qilishning, söz bilen ipadiligili bolmaydighan ghayet zor tiragédiyelerge seweb bolidighanliqi toghrisida agahlandurup, pütkül dunyaning isirailiyeni refahqa hujum qilmasliq toghrisida agahlandurghanliqini, emma hujumning pat arida yüz bérish éhtimali barliqini qeyt qildi.
u refahqa quruqluqtin hujum qilishning insanperwerlik yardem teshkilatlirigha éghir zerbe béridighanliqini bildürüp, mundaq dédi:
«acharchiliq we ölümni yingish üchün qattiq riqabetlishiwatimiz, emma meghlub bolduq. isirailiyening yéngi ötüsh nuqtilirini tesis qilghanliqini qizghin qarshi alimiz. barliq insanperwerlik yardemlirini tarqitish ishliri qoghdilishi kérek. ghezzege téximu köp insanperwerlik yardimi yetküzüsh, refahqa keng kölemlik hujumni qanunlashturush menisini bildürmeydu» dédi.
