amérika refahqa hujum qilishqa qarshi ikenlikini bildürdi

türkiye awazi radiyosi xewiri: aqsaray dölet bixeterlik uchur-alaqe ishliri meslihetchisi jon kirbi torda ötküzülgen axbarat élan qilish yighinida, ghezze we rayonning nöwettiki weziyiti üstide toxtaldi.

u isirailiyening ghezzede urush toxtisun-toxtimisun refahqa hujum qilidighanliqini élan qilghan bash ministir nétanyahugha naraziliq bildürdi.

u: «refahta keng kölemlik quruqluq herikitini körüshni xalimaymiz. u yerde panahliniwatqan 1 yérim milyon kishining bixeterlikini nezerge almighan bir herbiy heriketni körüshni xalimaymiz» dédi.

u hazirghiche isirailiye tereptin refahqa munasiwetlik bir pilanning yetküzülmigenlikini, amérikaning ishenchlik pilan bolghan teqdirdimu refahqa quruqluqtin hujum qilishqa qarshi ikenlikini qeyt qildi.

u hamasning ghezzede urush toxtitishqa munasiwetlik sunulghan yéngi teklipni muzakire qiliwatqanliqini we özlirining hamasning buninggha béridighan jawabini kütüwatqanliqlirini bildürdi.

u tashqi ishlar ministiri antoni blinkénningmu urush toxtitish tirishchanliqlirini dawamlashturuwatqanliqini eskertip, urushning baldurraq toxtitilishini, esirlerning qoyup bérilishini we ghezzege téximu köp insanperwerlik yardemlirining yetküzülishini ümid qilidighanliqlirini qeyt qildi.