afghanistanda yüz bergen kelkünde jénidin ayrilghanlarning sani ashti
afghanistanning köp qisim jaylirida shiddetlik yaghqan yamghur sewebidin yüz bergen kelkünde jénidin ayrilghanlar sani 70 ke, yarilanghanlar sani 56 ge chiqti.
türkiye awazi radiyosi xewiri: afghanistan tebiiy apetlerge taqabil turush idaresining bayanatchisi janan saeq kelkün sewebidin jénidin ayrilghanlar sanining 70 ke, yarilanghanlar sanining 56 ge chiqqanliqini élan qildi.
u yene, kelkünde 2500 din artuq öyning örülüp chüshkenlikini, 2 mingdin artuq öy haywanlirining ölgenlikini, 9500 géktardin artuq déhqanchiliq étizining su astida qalghanliqini bildürdi.
métérologiye idaresi töt kün boyiche yamghur yaghidighanliqi toghrisida agahlandurdi.
afghanistanda qish aylirida yaghqan qarlarning hawaning issishi bilen érishi we shiddetlik yaghqan yamghur netijiside yüz béridighan kelkün apiti, her yili yüzlerche kishining jénidin ayrilishigha seweb bolmaqta.
afghanistanda ul-eslihelerning yétersiz bolushimu, yüz bergen apetlerde ölüm-yétim hadisilirining köp körülüshining yene bir sewebi hésablinidu.
