yawropa ittipaqi irangha émbargo yürgüzüshni qarar qildi

türkiye awazi radiyosi xewiri: yawropa ittipaqi bashliqlar yighinining tashqi munasiwetler mesilisi muzakire qilinghan ottura sherq témisigha munasiwetlik xitabname élan qilindi.

xitabnamede, iranning 13-aprél küni israiliyege qilghan hujumining yawropa ittipaqi rehberliri teripidin birdek eyiblengenliki we irangha qaritilghan émbargolarning dairisini  kéngeytish qarar qilinghanliqi bildürüldi.

xitabnamede yene, ghezzediki kirizisqa derhal urush toxtitish, esirlerni qoyup bérish we insanperwerlik yardemlirini ghezzege tosalghusiz yetküzüp bérish arqiliq xatime bérilishi kérekliki eskertildi, yawropa ittipaqining kirizisni ikki döletlik hel qilish charesi arqiliq hel qilish pirinsipida ching turidighanliqi tekitlendi.

liwanning weziyitimu tilgha élinghan xitabnamede, yawropa ittipaqining bu döletni küchlük qollaydighanliqi qayta tekitlendi. shundaqla yawropa ittipaqi rehberlirining süriyelik musapirlarning öz dölitige bixeter, öz ixtiyarliqi bilen we izzet-hörmiti qoghdalghan halda qaytishigha kapaletlik qilish pilanini qollaydighanliqi qeyt qilindi.