yawropa türkiye bilen bolghan munasiwetlerni ilgiri sürüshke ehmiyet béridighanliqini tekitlidi

türkiye awazi radiyosi xewiri: bélgiyening paytexti biryussélda dawamlishiwatqan yawropa ittipaqi bashliqlar yighinining xulase doklatining türkiye bilen bolghan munasiwetlerge alaqidar bölümi élan qilindi.

bayanatta: «yawropa ittipaqining sherqiy aqdéngizning muqim we bixeterliki hemde türkiye bilen bolghan hemkarliq we özara menpeet yetküzüsh munasiwitini tereqqiy qildurushta istratégiyelik menpeeti bar» dégen ibarilerge orun bérildi.

bayanatta yene: «yawropa ittipaqi türkiye bilen bolghan hemkarliqnimu ilgiri süridighan qibris söhbetlirining eslige kélishi we ilgirilishige intayin ehmiyet béridu» déyildi.

yawropa ittipaqining bu mesilini hel qilishta birleshken döletler teshkilati (b d t) himayisidiki musapini qollaydighanliqi tekitlengen bayanatta: «yawropa ittipaqi qolidki barliq muwapiq wasitilerni ishqa sélip, b d t himayisidiki barliq basquchlarni qollashqa teyyar» déyildi.

yawropa ittipaqi kéngishi reisi charléz mishél bayanat bérip: «biz türkiye bilen ijabiy munasiwet ornitishni, muqim munasiwetlerni tereqqiy qildurushni xalaymiz... men qibris weziyitining intayin muhimliqini tekitlimekchimen. biz qibrisning ehwaligha, bolupmu b d t ning hel qilish musapisige alahide qiziqimiz» dégenlerni qeyt qildi.