stolténbérg: jiddiychilikler ulghiyiwatidu... mudapie xamchotimizni ashurushimiz kérek

türkiye awazi radiyosi xewiri: bash katip yéns stolténbérg bélgiyening paytexti biryusséldiki nato bash ishtabida gollandiye waqitliq hökümiti bash ministiri mark ruté, daniye bash ministiri métté frédériksén we chéxiye bash ministiri pétr bilen qoshma muxbirlarni kütüwélish yighini ötküzdi.

bash katip bir muxbirning «iran bilen israiliye otturisidiki sürkilish rayon xaraktérlik toqunushqa aylinish xewpi astida turuwatqan hazirqidek sharaitta, gherbning ukraina we ottura sherqtiki toqunushni bir terep qilalaydighan hawa mudapie sistémisi barm, yoq?» dégen soaligha jawab bérip, «nato ittipaqdashliri bu iqtidargha ige. biz birlikte dunyaning herbiy küchining %50 ge wekillik qiliwatimiz, bizning küchlük ittipaqdashlirimiz bar» dédi.

ukrainada dawamlishiwatqan urush we ottura sherqtiki toqunushlarning natoning mudapie chiqimini ashurush nishanining muhimliqini otturigha qoyghanliqini bildürgen bash katip stolténbérg: «mudapie chiqimimizni köpeytishimiz kérek, jiddiychilik künséri küchiyiwatidu, ittipaqdashlarning qiliwatqini del bu» dédi.