michotaks yawropa ittipaqining türkiye qararliridin memnun ikenlikini bildürdi

türkiye awazi radiyosi xewiri: girétsiye bash ministiri kériyakos michotakis yawropa ittipaqining hazirghiche chiqarghan türkiye bilen bolghan munasiwetlerge alaqidar qararliridin memnun ikenlikini bildürüp: «bu qararlar yawropa-türkiye munasiwitide ilgirilesh hasil qilghili bolidighanliqidin ibaret réalliqni otturigha qoyidu» dédi.

girétsiye bash ministiri michotakis bélgiyening paytexti biryussélda ötküzülgen yawropa ittipaqi bashliqlar yighinigha kirip kitéwétip bergen bayanatida, yighinda yawropa ittipaqi-türkiye munasiwiti we yawropa ittipaqi komitéti teyyarlighan ilgirilesh doklatiningmu muzakire qilinidighanliqini eskertip: «men hazirghiche chiqirilghan qararlardin razi. bu qararlar yawropa-türkiye munasiwitide ilgirilesh hasil qilghili bolidighanliqidin ibaret réalliqni otturigha qoyidu»  dégenlerni qeyt qildi.

yawropa-türkiye munasiwitining qibris mesilisidiki tereqqiyatqa asasen ilgiriliyeleydighanliqini ilgiri sürgen michotaks, birleshken döletler teshkilati (b d t) ning qibris mesilisidiki yéngi wekilining mesilisini hel qilish tirishchanliqining méwe bérishidin ümid barliqini eskertti.