gérmaniyede ikki kishi jasusluq jinayiti bilen eyiblinip qolgha élindi

türkiye awazi radiyosi xewiri: gérmaniyede hem gérmaniye hem rusiye puqrasi bolghan ikki kishi chet el jasusluq orginigha jasusluq qilghanliqi seweblik qolgha élindi.

gérmaniye fédératsiye teptish mehkimisining bayanatigha qarighanda, ditér s bilen aléksandér j ukrainaning sherqidiki rusiyeni qollaydighan bölgünchiler qurghan «donétsik xelq jumhuriyiti teshkilati» ning ezasi we jasusluq orginigha jasusluq qilish jinayiti bilen eyiblinip qolgha élinghandin kéyin türmige solanghan.

bawariye ölkilik jinayi ishlar idarisi mezkur ikki kishining turalghusi we xizmet ornida tinitish axélip barghan.

igilinishiche, qolgha élinghan bu ikki kishi yene chet el jasusluq orginigha jasusluq qilish jinayiti bilen eyiblinishtin sirt yene, térrorluq teshkilatigha eza bolush, partlatquch dora teyyarlash, buzghunchiliq qilish meqsitide jasusluq qilish we herbiy muesseselerning bixeterlikige tehdit peyda qilish qatarliq her xil jinayi qilmishlar bilen eyiblenmekte iken.