hawa yolliri shirketliri ayropilan seperlirini toxtatti
xelqara hawa yolliri shirketliri bixeterlik qayghuliri sewebidin isirailiyege ayropilan seperlirini toxtitishqa yaki kéchiktürüshke bashlidi.
türkiye awazi radiyosi xewiri: iran-isirailiye jiddiychiliki xelqara hawa yolliri shirketlirini rayongha ayropilan seperlirini qaytidin pilanlashqa mejburlidi.
engliyening «Wizz Air» hawa yoli shirkiti iranning 13-aprél isirailiyege qilghan hawa hujumi sewebidin 14-15-aprél künliridiki ayropilan seperlirini emeldin qaldurghan idi.
engliyening «easyJet» hawa yolliri shirkitimu iran-isirailiye jiddiychiliki sewebidin tél awiwgha ayropilan seperlirini 27-öktebirgiche emeldin qaldurdi.
gérmaniyening «KLM» hawa yolliri shirkiti isirailiyege 21-aprélghiche ayropilan qatnimaydighanliqini, uningdin kéyinki künlerde ayropilan seperlirining isirailiye we iran hawa tewelikidin bolmaydighanliqini élan qildi.
gérmaniyening lufxansa hawa yolliri shirkiti (Lufthansa Group) emeldin qaldurghan tél awiw seperlirini 16-aprél (2024) din bashlap eslige keltürdi. ayropilanlarning iran hawa tewelikidin ötmeydighanliqini élan qildi.
hindistan hawa yolliri shirkiti (Air India) mu tél awiw seperlirini waqitliq emeldin qaldurghanliqini élan qildi.
amérikaning «United Airlines» hawa yolliri shirkiti 1-mayghiche tél awiw seperlirining emeldin qaldurulghanliqini we u waqitqiche béliti bolghan yoluchilarning bélet pulining toluq qayturup bérilidighanliqini élan qildi.
kanada hawa yolliri shirkiti (Air Canada) 20-aprél (2024) diki tél awiw ayropilan sepirining emeldin qaldurulghanliqini we rayon weziyitini yéqindin közitip, ayropilan seperliri waqtining qaytidin pilanlinidighanliqini uqturdi.
awstiraliyening «Qantas» hawa yolliri shirkiti ayropilanlarning iran hawa tewelikidin ötmeydighanliqini we buning üchün yéngi linyening échilidighanliqini bildürdi. «Virgin Atlantic» hawa yolliri shirkiti bolsa, ayropilanlarning iran, iraq we isirailiye hawa tewelikidin ötmeydighanliqini, weziyetni yéqindin közitishni dawamlashturidighanliqini bildürdi.
filippinning tél awiwdiki elchixanisi isirailiyege mejburiy qalmighan ehwal astida uzun muddet sayahetke kelmeslikni yaki weziyet muqimlashqiche kelmeslikni agahlandurdi.
