питничи салван момика шивитсийә сақчилириға тапшуруп берилди

түркийә авази радийоси хәвири: шивитсийә сақчилири байанатида момикадин керәклик байаннамилар елинғандин кейин қойуп берилгәнликини елан қилди.

момика шивитсийә «тез йолланма» гезити билән өткүзгән байанатида: «мениң 16 – априлға қәдәр шивитсийәдә вақитлиқ туруш рухситим бар, иқамитимниң вақти тошқанда, бу йәрдин йәнә панаһлиқ тиләймән» деди.

питничи момика өзиниң норвегийәдә икки һәптә түрмигә соланғанлиқини чүшәндүрүп: «мән норвегийигә келишимгила қолға елиндим, йанфонум тативелинди вә мән йалғуз кишилик камерға ташландим. норвегийәдә қуранни көйдүрмәйдиғанлиқимни билдүргинимгә қаримастин, улар мениң бихәтәрлик хәвипи йаритидиғанлиқимни илгири сүрүп, панаһлиқ илтимасимни қобул қилмайдиғанлиқлирини ейтти» деди.

момика норвегийәдә йалғуз кишилик түрмидә йетиватқан чағларда өзиниң өлүм хәвириниң дунйаниң һәрқайси җайлириға тарқалғанлиқини билдүрүп, камерда йанфони болмиғанлиқи сәвәбидин бу хәвәргә арилишалмиғанлиқини һәмдә норвегийәдин қаттиқ  үмидсизләнгәнликини ейтти.

шивитсийә көчмәнләр ишханиси 2023 - йили өктәбирдә момиканиң 2024 -йили 16 - апрелғичә ишләш вә туруш рухсити барлиқини һәмдә 16 - апрелдин кейин чеградин қоғлап чиқирилидиғанлиқини елан қилған иди.

питничи момика бу қарарға наразилиқ әрзи сунуп, делони көчмәнләр сот мәһкимисигә сунған иди.

көчмәнләр сот мәһкимисиму момиканиң иқамәт илтимасида йалған учур бәргәнликини, шуңа көчмәнләр идарисиниң чеградин қоғлап чиқириш қарарини тәстиқлиғанлиқини елан қилған болуп, момика кейин бу қарарға қарши көчмәнләр алий сотиға әрз сунған иди.

шивитсийә көчмәнләр алий сотиму 27 - мартта көчмәнләр сот мәһкимисиниң момика үчүн мақуллиған чеградин қоғлап чиқириш қарарини тәстиқлиғанлиқини җакарлиған иди.

алий сотниң қараридин кейин шивитсийәдин айрилған вә 28 - мартта норвегийәгә берип панаһлиқ тилигән питничи момика қолға елинған вә түрмигә ташланған иди.