йуқири дәриҗилик әмәлдарлар нетанйаһу үстидин сотқа әрз қилди

түркийә авази радийоси хәвири: калкалист (Calcalist) иқтисад тори баш министир нетанйаһуниң вәзиписидин қалдурулушини тәләп қилип, сунулған әрзниң тәпсилий мәзмуни тоғрисида хәвәр елан қилди.

билдүрүлишичә, иқтисадшунас, технологийә мутәхәссиси вә академиклардин тәшкил тапқан йуқири дәриҗилик 28 әмәлдар, нетанйаһуни вәзиписидин қалдурушни тәләп қилған әрзини алий сот мәһкимисигә тапшурған.

әрздә, нетанйаһуниң «урушта дөләт мәнпәәтини чиқиш қилип һәрикәт қилиш» мәсулийити билән, «пара елиш, қоймичилиқ қилиш вә һоқуқидин қалаймиқан пайдилиниш җинайәтлири билән әйибләнгән дәваларни кечиктүрүш» кә охшаш шәхсий мәнпәәтлири оттурисида қалғанлиқи әскәртилди.

әрздә йәнә, «нетанйаһуниң уруш башланғандин буйан бир қанчә қетим уруш ишлириға йетәкчилик қилиш билән алдираш икәнликини сәвәб көрситип, үстидин ечилидиған чирикликкә мунасивәтлик сотниң кечиктүрүлүшни тәләп қилғанлиқи» алаһидә тәкитләнди вә баш министирни вәзиписидин қалдуруш тәләп қилинди.

нетанйаһу чириклик җинайити билән шәрқий қуддус районлуқ сот мәһкимисидә сотлиниду.