америка: украина ахирида натоға әза болиду
америка ташқи ишлар министири антони блинкен украинаниң ахирида натоға әза болидиғанлиқини, шуңа буниң үчүн ениқ һәрикәт пиланини бәлгиләш керәкликини ейтти.
түркийә авази радийоси хәвири: америка ташқи ишлар министири антони блинкен фирансийәдә рәсмий дөләт ишлири зийаритидә болди.
у фирансийә ташқи ишлар министири стефан сеҗон (Stephane Sejourne) билән көрүшкәндин кейин өткүзүлгән ахбарат елан қилиш йиғинида, кийевниң натоға қобул қилиниши тоғрисида сөз қилди.
у мундақ деди:
«иттипақдашларниң ийулда (2023) вилнийус рәһбәрләр йиғинида дейилгинидәк, украина натоға әза болиду. шуңа, һазир биз үчүн муһим болғини, буниң үчүн ениқ вә чүшинишлик һәрикәт пилани түзүш. ийунда (2024) нато қурулғанлиқиниң 75-йиллиқи мунасивити билән өткүзүлидиған нато рәһбәрләр йиғининиң, асаслиқи бу һәрикәт пиланиға йаки украинаниң натоға әза болушини капаләткә игә қилидиған көврүкни қандақ ипадә қилалайдиғанлиқимизға мәркәзлишидиғанлиқиға ишинимән.»