hindistandiki boran we quyun apitide 5 kishi qaza qilip, nurghun kishi yarilandi
hindistanning gherbiy béngal ölkisige éghir tesir körsetken qattiq boran we quyunda 5 kishi qaza qildi we 100 ge yéqin kishi yarilandi.
türkiye awazi radiyosi xewiri: tünügün gherbiy béngal ölkisige qarashliq jalpayguri rayonigha qattiq boran, quyun we möldür éghir tesir körsetti. boran kem dégende 800 öyge ziyan saldi, derex we tok istolbilirining yiqilishini keltürüp chiqardi.
gherbiy béngal ölkisi bashliqi mamata banérji boran sewebidin besh kishining qaza qilghanliqin we kem dégende 100 kishining yarilanghanliqini bildürdi.
mamata banérji saqchilar, rayonluq hökümet, apetni bashqurush we téz inkas qayturush idarisi etretlirining rayongha ewetilgenlikini, yardem we qutquzush xizmetliri bilen teminligenlikini bildürüp, apetning tesirige uchrighanlarning bixeter jaylargha tarqaqlashturulghanliqini éytti.
hindistan bash ministiri naréndra modimu hayatidin ayrilghanlarning yéqin - yoruqlirigha teziye bildürdi we dairilerge apetning tesirige uchrighanlargha kéreklik yardemlerning qilishini üchün yolyoruq chüshürgenlikini uqturdi.
