исраилийәниң һуҗумлирида қаза қилған пәләстинликләр сани 32705 кә йәтти

түркийә авази радийоси хәвири: ғәззәдики пәләстин сәһийә министирлиқи байанатчиси әшрәф әлқудрә исраилийәниң 176 күндин буйан давам қиливатқан ғәззә һуҗумлири тоғрисида мәлумат бәрди.

қудра исраилийә қисимлириниң йеқинқи 24 саәт ичидики ғәззә һуҗумлирида 82 пәләстинликниң қаза қилғанлиқини, 98 пәләстинликниң йариланғанлиқини билдүрди.

у исраилийәниң 7-өктәбирдин буйан давамлишиватқан ғәззә һуҗумлирида қаза қилған пәләстинликләр саниниң 32 миң 705 кә, йариланғанлар саниниң 75 миң 190 ға йәткәнликини әскәртти.

сәһийә министирлиқи байанатчиси қудрә һелиһәм харабиликләр астида вә йол бойлирида қаза қилғанларниң барлиқини, әмма исраилийә қисимлириниң тосалғуси сәвәбидин, давалаш әтрәтлири вә хәлқ мудапиә хадимлириниң җәсәтләрни йөткийәлмәйдиғанлиқини қәйт қилди.