tusk: dunya yéngi bir urush dewrige qedem qoydi

türkiye awazi radiyosi xewiri: polsha bash ministiri donald tusk dunyaning ikkinchi dunya urushi (1939-1945)din buyanqi eng halqiliq dewrni bashtin kechürüwatqanliqigha isharet qilip, dunyaning yéngi urush dewrige qedem qoyghanliqini qobul qilish kéreklikini tekitlidi.

donald tusk muxbirlargha bayanat bérip, kelgüsi ikki yilning hemmini belgileydighanliqini ilgiri sürüp: «men héchkimni qorqutushni xalimaymen, emma urush nöwette ötmüshte qalghan bir nerse emes. bu bir réalliq bolup, ikki yil ilgiri bashlandi. hazir kishini eng endishige salidighini, her qandaq sénariyening yüz bérish mumkinchilikining barliqidin ibaret heqiqettur» dédi.

polsha bash ministiri ukraina weziyitining bir yil ilgirikige sélishturghanda murekkep, emma urush bashlanghan (2022-yildikige qarighanda) köp yaxshi ikenlikini bayan qilip: «bizning asasliq wezipimiz ukrainani rusiye ishghaliyitidin qoghdash we uni bir pütün halettiki musteqil dölet süpitide saqlap qélish bolushi kérek» dégenlerni qeyt qildi.