pelestinning yéngi kabénti testiqlandi
pelestinning yéngi bash ministiri muhemmed mustafa kabéntini dölet reisi mehmut abbasqa sundi.
türkiye awazi radiyosi xewiri: pelestin wafa (WAFA) agéntliqi bash ministir muhemmed mustafaning 23 ministirdin terkip tapqan 19-nöwetlik kabéntni we hökümet pirogrammisini mehmut abbasqa sunghanliqini xewer qildi.
pelestin dölet reisi mehmut abbas élan qilghan qararname bilen hökümet tizimlikining testiqlanghanliqi bildürüldi.
bash ministir muhemmed mustafa oxshash waqitta yene tashqi ishlar ministirliqi wezipisini üstige alghan hökümetning, 31-mart (2024) mehmut abbasning huzurida qesem béridighanliqi qeyt qilindi.
xewerde, hökümet pirogrammisining «ghezze xelqi üchün omumyüzlük insanperwerlik we jiddiy qutquzush pilanini tüzüsh, ghezze bilen iyordan deryasining gherbiy qirghiqini qayta qurush we iqtisadni muqimlashturush salmiqini ashurush, tüzüm islahati, idare-organlarni qayta teshkillesh we mustehkemlesh, chiriklikke qarshi turush, reqemlik özgertish, xizmet sewiyesini ashurush, edliye sistémisini kücheytish we bixeterlikni ashurush qatarliqlarni öz ichige alidighanliqi» bildürüldi.
