amérika tashqi ishlar ministirliqi bayanatchisi dölitining ghezze siyasitige naraziliq bildürdi
amérika qoshma ishtatliri tashqi ishlar ministirliqi ottura sherq we shimaliy afriqa ishliri bayanatchisi hala riharrit dölitining ghezze siyasitige naraziliq bildürüp wezipisidin istépa berdi.
türkiye awazi radiyosi xewiri: «‹elerebiyye› téléwiziye qanili» ning xewer qilishiche, riharrit ammiwi ortaqlishish tor béti LinkedIn sehipiside élan qilghan bayanatida, amérika qoshma ishtatliri tashqi ishlar ministirliqida uda 18 yildin buyan ishlewatqanliqini eskertip mundaq dédi:
«amérika qoshma ishtatlirining ghezze siyasitige naraziliq bildürüp, aprél éyida wezipemdin istépa berdim. kirizisni qoral – yaraghlar arqiliq emes, diplomatiye arqiliq hel qilish kérek. dölitimiz tinchliq we ittipaqliqning küchi bolushi lazim.»
amérika qoshma ishtatliri tashqi ishlar ministirliqining muawin bayanatchisi wédant patél, riharritning wezipisidin istépa bergenlikidin xewer tor betliri arqiliq xewer tapqanliqini, emma uning shexsiy ishi toghrisida pikir bayan qilmaydighanliqini eskertti.
amérika qoshma ishtatliri tashqi ishlar ministirliqi qarmiqida 2005-yildin buyan ishlewatqan rharrit, 2022-yili 8-aydin bashlap ministirliqning ottura sherq we shimaliy afriqa ishliri bayanatchisi süpitide wezipe ötep kéliwatatti.
shuning bilen, riharrit israiliye ghezzege hujum qozghighan 7 – öktebirdin buyan dölitining siyasetlirige naraziliq bildürüsh meqsitide wezipisidin istépa bergen amérika qoshma ishtatliri tashqi ishlar ministirliqining üchinchi xadimi bolup qaldi.
