б д т доклатчисиниң германийәлик журналистқа бәргән җаваби қизиқ нуқтиға айланди

түркийә авази радийоси хәвири: б д т доклатчиси албанеси 26-март исраилийәниң ирқий қирғинчилиқ җинайити садир қилғанлиқи оттуриға қойулған доклатини б д т кишилик һоқуқ кеңишигә сунғандин кейин, мухбирларни күтүвелиш йиғини өткүзди.

германийәлик бир журналист б д т ниң исраилийәниң ирқий қирғинчилиқ җинайити садир қилғанлиқи илгири сүрүлгән доклатини кәмситишкә урунуп: «һөкүмәт (исраилийә)ниң ирқий қирғинчилиқ қилиш нийити ениқ ипадиләнгән йазма һөҗҗәтләр барму? дәп сорашни халаймән» деди.

германийәлик журналистниң «исраилийә әмәлдарлириниң ирқий қирғинчилиқ садир қилғанлиқлирини ипадиләп бирәр нәрсә йазмиғанлиқи»ни илгири сүрүши, б д т доклатчисини күлдүрди. у германийәлик мухбирниң соалиға кинайә арилаш җаваб берип: «сизниңчә, риванда вәбоснийә-гертсеговинадики һөкүмәт әмәлдарлири йаки һәр қандақ бир дөләт әмәлдари <мән ирқий қирғинчилиқ қилмақчи> дәп бирәр һөҗҗәт тәййарлиғанмиду? сиз бундақ ишни аңлап баққанму? мән сизгә вакалитән җаваб берәй, йақ!» деди.

абанесиниң җаваби иҗтимаий таратқуларда күчлүк алқишқа еришти.