aqsaray: nétanyahu amérikagha wekiller ömiki yollaydu
amérika qoshma ishtatliri israiliye bash ministiri bényamin nétanyahuning ghezzening jenubigha jaylashqan refah shehirige qilinish mumkinchiliki bolghan quruqluq hujumini muzakire qilish üchün, washingtongha wekiller ömiki ewetishni qobul qilghanliqini bildürdi.
türkiye awazi radiyosi xewiri: aqsaray bayanatchisi karin zhan pyér muxbirlarni kütüwélish yighinida bu toghriliq bayanat élan qilip, israiliye bash ministiri bényamin nétanyahu ishxanisining wekiller ömikining ziyaritini qaytidin orunlashturushqa qoshulghanliqini, amérika bilen israiliyening yéngi bir künni békitish üchün, söhbetlishishni bashlighanliqini éytti.
zhan pyér israiliyening refahqa qaritish mumkinchiliki bolghan quruqluq hujumini muzakire qilish yighinining qayta orunlashturulidighanliqini bildürüp: «biz bu yerde refah heriketlirini muzakire qilish heqqide kélishim tüzülgenlikini untup qalmasliqimiz kérek». dédi.
b d t xewpsizlik kéngishi 3-ayning 25-küni qarar maqullap, ghezzede daimiy urush toxtitishqa aylandurushqa bolidighan shekilde ramizanda derhal urush toxtitishni telep qilghanidi.
amérika bu qarar layihesini ret qilmighan bolghachqa, israiliye bash ministiri bényamin nétanyahu «qilinish mumkinchiliki bolghan refah hujumlirini muzakire qilish üchün» washingtongha baridighan israiliye wekiller ömikining ziyaritini emeldin qaldurghanidi.
