israiliyening hujumlirida hayatidin ayrilghan pelestinlikler sani 34388 ge yetti
israiliye armiyesining 204 kündin buyan dawamlashturuwatqan ghezze hujumlirida qaza qilghan pelestinlikler sani yéqinqi 24 saet ichide yene 32 kishi köpiyip, 34388 ge yetti.
2132763
türkiye awazi radiyosi xewiri: ghezzediki pelestin sehiye ministirliqi israiliyening 2023-yili 7-öktebirdin buyanqi ghezze hujumliri toghrisida bayanat élan qildi.
bayanatqa qarighanda, israiliye armiyesining yéqinqi 24 saet ichidiki ghezze hujumlirida yene 32 pelestinlik hayatidin ayrilghan, 69 pelestinlik yarilanghan.
bayanatqa qarighanda, israiliyening ghezzege qaratqan hujumlirida qaza qilghan pelestinlikler sani 34388 ge, yarilanghanlar sani 77434 ge yetken.
bayanatta yene, xarabiliklerning astida we yol boylirida qaza qilghan kishilerning barliqi, emma israiliye eskerlirining tosalghusi sewebidin, dawalash etriti we xelq mudapie xadimlirining jesetlerni yötkiyelmeywatqanliqi qeyt qilindi.
