kuléba: erdoghan chong shexs
ukraina tashqi ishlar ministiri dimitro kuléba: «jumhur reis (rejep tayyip) erdoghan küchlük shexs؛ u rayonimizdila emes, dunyadimu hörmetke sazawer» dédi.
türkiye awazi radiyosi xewiri: dimtro kuléba polshaning paytexti warshawada ötküzülgen tor yighini jeryanida bir muxbirning: «eger ukraina bilen rusiye söhbet üstilige qaytip kelse, bu musape 2022-yili marttikige oxshash istanbulda élip bérilamdu?» dégen soaligha jawab bérip: «hazirgha qeder, peqet türkiyela rusiye bilen ukrainaning körüshüp söhbetlishishini teshkilliyelidi. bu ish urushning deslepki basquchida ishqa ashuruldi» dédi.
u ukrainaning 2022-yili 2-aydin buyan dawamlishiwatqan urushni axirlashturushqa yardem bérishni xalaydighan her qandaq bir döletning istikini ret qilmighanliqini tekitlidi we sözini dawamlashturup: «jumhur reis (rejep tayyip) erdoghan küchlük shexs؛ u rayonimizdila emes, belki dunyadimu hörmetke sazawer» dégenlerni qeyt qildi.
