dunya miqyasida 62 ming 285 qanunsiz köchmen qaza qildi yaki yoqap ketti
2014-yildin 2023-yilghiche bolghan ariliqta, dunya miqyasida 62 ming 285 qanunsiz köchmenning qaza qilghanliqi yaki yoqap ketkenliki bildürüldi.
türkiye awazi radiyosi xewiri: merkiziy ishxanisi jenwede turushluq xelqara köchmenler teshkilatining yilliq doklatida, 2014 - yildin 2023-yilghiche bolghan ariliqta qaza qilghan yaki yoqap ketken dep qaralghan 62 ming 285 qanunsiz köchmendin 28 ming 854 nepirining afriqaliq yaki asiyaliq ikenliki, bularning aqdéngizdin ötüshke tirishiwatqan peytte qaza qilghanliqi uqturuldi.
doklatta, bu köchmenlerdin kimlikini éniqlighili bolghan üchtin biridin köpirekining afghanistan, bérma, süriye we éfiyopiye qatarliq qoralliq toqunushlar yüz bériwatqan döletlerning puqrasi ikenliki bildürüldi.
bu ariliqta, xelqara köchmenler teshkilatining sanliq melumatliri, yéqinqi 10 yildiki qanunsiz köchmenlikte 2023 - yilining eng ejellik yil bolghanliqini otturigha qoydi.
bolupmu, aqdéngizidiki qaza qilghanlar sanining zor derijide ashqanliqi we bultur bir yil ichidila 8 ming 541 qanunsiz köchmenning qaza qilghanliqi eskertildi.
