песков: москва нато баш катипиниң кавказ зийаритини йеқиндин көзәтмәктә
русийә пирезидентлиқ мәһкимиси — киремил байанатчиси димитрий песков, москваниң шималий атлантик әһди тәшкилати — натониң җәнубий кавказдики күнсери күчийиватқан алақисини әстайидиллиқ билән көзитиватқанлиқини ейтти.
түркийә авази радийоси хәвири: нато баш катипи йенс столтенбергниң әзәрбәйҗан, гирузийә вә әрминийәдики зийарити тоғрисида тохталған песков, мәзкур зийарәтләрниң кавказ дөләтлириниң игилик һоқуқи икәнликини, әмма натониң райондики нопуз вә мәвҗутлуқини кеңәйтиш орунушлириниң кавказ вәзийитиниң муқимлиқиға төһпә қошмайдиғанлиқини билдүрди.
у столтенбергниң бу қетимқи зийаритиниң русийәниң җәнубий чеграсиниң бихәтәрликигә тәһдит елип келидиған-кәлмәйдиғанлиқи тоғрисидики бир соалға җаваб берип: «биз натониң кавказдики мәвҗутлуқини мустәһкәмләш тоғрисидики омумий арзусини обдан билимиз. бу арзуни бир қарапла көрүп йәткили болиду» деди.
русийәниң бу зийарәтләрни әстайидиллиқ билән көзитиватқанлиқини байан қилған песков, москваниңму асаслиқи бу дөләтләр билән болған мунасивәт вә һәмкарлиқ қораллириға диққитини мәркәзләштүрүш нийити барлиқини тәкитлиди.
