хәлқаралиқ җәмийәтләр русийәниң сайламлириға наразилиқ билдүрди
русийәниң украинаниң бәзи районлири билән абхазийә вә җәнубий осетйада сайлам өткүзгәнликигә қарши наразилиқлар арқа арқидин елан қилинди.
түркийә авази радийоси хәвири: гирузийә, нато вә йавропа иттипақи русийә сайламлириниң қанунсиз икәнликини билдүрди.
русийә федератсийәсидә үч күн давамлашқан сайлам йәкшәнбә (17-март) ахирлашти. владимир путин йәнә бир нөвәт пирезидентлиққа сайланди.
сайлам нәтиҗилиригә асасланғанда, путин қатнишиш нисбити %77.44 болған сайламда %87.29 авазға еришип ғәлибә қилған. русийә 2014-йили қанунсиз һалда өзигә қошувалған украинаниң қирим районида, 2022-йили қошувалған донетск, луханск, херсон вә запорижйа районлирида, гирузийәдин айрип өзигә қошувалған абхазийә билән җәнубий осетйадиму сайлам өткүзгән.
гирузийә пирезиденти саломе зурабишвили абхазийә билән җәнубий осетйа районлирида русийә пирезидентлиқ сайлими өткүзүшниң қанунсизлиқ икәнликини тәкитлиди.
у мәзкур районларниң русийәниң ишғали астида икәнликини билдүрүп: «русийә федератсийәси пирезидентлиқ сайламлириниң гирузийәниң ишғал астидики районлиридиму өткүзүши қанунсиз вә қобул қилишқа болмайду. бу сайламлар гирузийәниң игилик һоқуқи вә земин пүтүнлүкигә йәнә бир қетим еғир хилаплиқ қилғанлиқ болуп, хәлқаралиқ қанунларғиму пүтүнләй хилап» деди.
нато баш катипи столтенберг зийарәттә болуватқан гирузийәдә бу һәқтә байанат елан қилди.
у: «русийәниң гирузийә вә украина земинлирида сайлам кткүзүши пүтүнләй қанунсизлиқ һесаблиниду» деди.
йавропа иттипақи: «ишғал астидики украина земинлирида қанунсиз һалда кткүзүлгән аталмиш сайламларни шиддәт билән әйибләймиз. русийә бу сайламлар билән б д т шәртнамәлиригә, хәлқаралиқ қанунлар ғавә украинаниң мустәқиллиқигә, игилик һоқуқиға вә земин пүтүнлүкигә йәнә бир қетим очуқтин очуқ хилаплиқ қилди» дәп байанат елан қилди.
