minglarche israiliye eskiri pisxikiliq meslihet soridi

türkiye awazi radiyosi xewiri: israiliye armiyesining bu heqtiki bayanatida, mezkur eskerlerning %85 ining pisxikiliq dawalashlardin kéyin, qaytidin urushqa qatnashqanliqi qeyt qilindi.

pisxikiliq mesilige duchar bolghan 200 din artuq eskerning armiyedin ayrilishigha ruxset qilinghanliqigha isharet qilinghan bayanatta, eskerler üchün daimiy aile merkizi, jengge taqabil turush bölümi we yarilanghanlarni dawalash merkizi qatarliqlarni öz ichige alidighan yéngi bir pisxikiliq dawalash merkizining échilidighanliqi bildürüldi.

bayanatta, ghezzege hujum qilish bashlanghandin buyan, israiliyediki doxturlar jemiyitige qarashliq rohiy saghlamliq mulazimiti merkizining bu jehettiki éhtiyajni toluq qandurush üchün, herqaysi sahelerdiki kespiy xadimlardin terkib tapqan bir tor shekillendürgenliki eskertildi.

bayanatqa qarighanda, quruqluq armiye dawalash etriti chaqirish merkizi eskerlerge deslepki tébbiy yardemlerni bérish üchün, her küni 24 saet, heptide 7 kün meshghulat qilmaqta iken.