rusiye prézidénti wiladimir putin xitayda ziyarette bolidu
rusiye pirézidénti wiladimir putin 16-, 17-may künliri shi jinpingning teklipige binaen xitayda dölet ishliri ziyaritide bolidu.
2139463
türkiye awazi radiyosi xewiri: igilinishiche, xitay dölet reisi shi jinping bilen rusiye pirézidénti wiladimir putin keng dairilik hemkarliq we özara istratégiyelik alaqige munasiwetlik barliq mesililerni tepsiliy muzakire qilidiken. rusiye- xitay emeliy hemkarliqini yenimu tereqqiy qildurushning asasiy yönilishi békitilidighan uchrishishta, xelqara we rayonning nöwettiki mesililiri toghrisidimu pikir almashturulidiken.
söhbetlerdin kéyin, ikki dölet rehbirining qoshma bayanat élan qilishi we bir qisim ikki tereplik höjjetlerge imza qoyushi pilanlanmaqta iken.
putin bilen shi ikki dölet otturisida diplomatik munasiwet ornitilghanliqi we rusiye-xitay medeniyet yilliri yolgha qoyulghanliqining 75 yilliqi munasiwiti bilen ötküzülidighan kéchilik paaliyetke ishtirak qilidiken.
rusiye pirézidénti putinning xitay bash ministiri li chyang bilen körüshüp, soda, iqtisad we insanperwerlik saheliridiki ikki tereplik hemkarliqni muzakire qilidiken.
putin yene xéylongchyang ölkisining merkizi xarbingha bérip, 8-nöwetlik rusiye- xitay yermenkisi we 4-nöwetlik rusiye- xitay rayonluq hemkarliq munbirining échilish murasimigha qatnishidiken.
xitay amérika qoshma ishtatliri bilen bolghan jughrapiyelik siyasiy riqabet we asiya-tinch okyandiki jiddiylik künséri küchiyiwatqan bir peytte, ukraina bilen bolghan urush sewebidin mushuninggha oxshash xirislargha duch kéliwatqan rusiye bilen yéqinlishish siyasitini yolgha qoymaqta.
مۇناسىۋەتلىك خەۋەرلەر
silowéniyemu pelestinni étirap qildi
silowéniye hökümiti pelestin dölitini étirap qilish toghruluq qarar chiqardi.