zélénskiy urushta qaza qilghan ukraina eskerlirining sanini élan qildi

türkiye awazi radiyosi xewiri: pirézidént zélénskiy ukrainaning paytexti kiyéwda ötküzülgen «ukraina 2024-yili» namliq munber yighini munasiwiti bilen chaqirilghan axbarat élan qilish yighinida, «bu urushta 31 ming ukraina eskiri qaza qildi. bu san putin we uning yalghanchliri éytqandek 300 ming yaki 150 ming emes. emma, her bir ziyan biz üchün chong yoqitish hésablinidu. rusiye terepte bolsa, 180 ming kishi öldi» dédi.

ukraina pirézidénti yarilanghan yaki iz-dériki bolmighan ukraina eskerliri toghrisidimu toxtilip:  «düshminige ewzellik yaritiip bermeslik» üchün bu heqte melumat bérilmeydighanliqini éytti.

zélénskiy ukrainaning qanunsiz qoshuwélinghan zéminida qaza qilghuchilarning yéqinlirigha teziye bildürdi, ukraina qoralliq qisimlirining istratégiyesining ghelbini baldurraq qolgha keltürüsh üchün mexpiy saqlinidighanliqini tekitlidi.

zélénskiy ukrainaning qayturma hujum pilanining rusiye teripidin aldin bilinip qalghanliqi terepke hemmining diqqitini tartip: «shuni ochuq éytmaqchimenki, bultur küzdiki qayturma hujumlirimiz téxi bashlinishtin burunla krémil sariyida üstel üstige kélip bolghan idi» dédi.