исраилийә һуҗумлирида қаза қилған пәләстинликләр сани 29606 гә йәтти
исраилийәниң ғәззәгә қаратқан һуҗумлирида һайатидин айрилған пәләстинликләр сани 29606 гә йәтти.
түркийә авази радийоси хәвири: ғәззәдики пәләстин сәһийә министирлиқи йазма байанат елан қилип, исраилийәниң 7-өктәбирдин башлап 141 күндин буйан давамлаштуруватқан һуҗумлири һәққидә мәлумат бәрди؛ йеқинқи 24 саәт һайатидин айрилған 92 пәләстинликни қошқанда, һуҗумларда қаза қилған пәләстинликләр саниниң 29606 гә йәткәнликигә ишарәт қилинған байанатта, әң йеңи һуҗумларда йәнә 123 пәләстинликниң йариланғанлиқи, йариланғанларниң омумий саниниң 69 миң 737 гә йәткәнлики қәйт қилинди.
харабиликләрниң асти вә йол бойлирида һазирму қаза қилғанларниң барлиқи, әмма исраилийә армийәсиниң тосалғуси сәвәбидин, давалаш әтрити вә хәлқ мудапиә хадимлириниң җәсәтләр алалмайватқанлиқи тәкитләнди.
пәләстин хәвәр агентлиқи —вафаниң хәвиригә қариғанда, исраилийә армийәси әлхәлил, тулкәрим, бәйтләһәм вә наблус қатарлиқ җайларда кечә бойичә бастуруп кирип, тутқун қилиш һәрикәтлирини елип барған.
