52 дөләт русийәни бесивалған җайлардин чекинип чиқишқа чақирди

түркийә авази радийоси хәвири: украина ташқи ишлар министирлиқи йазма байанат елан қилип, украина, украина, албанийә, андорра, австралийә, австрийә, белгийә, боснийә-гертсеговина, булғарийә, канада, киродийә, қибрис, чех, данийә, естонийә, финландийә, фирансийә, гирузийә, германийә, гиретсийә, венгирийә, исландийә, иреландийә, йапонийә, италийә, латвийә, личтенштейн, литва, лийуксембург, малта, маршал тақим араллири, микронезийә (федератип шитатлар), монако, қаратағ, голландийә, йеңи зеландийә, шималий македонийә, норвегийә, палав, парагвай, полша, португалийә, корейә җумһурийити, молдова җумһурийити, роминийә, сан марино, силовакийә, силовенийә, испанийә, шиветсийә, әнглийә, америка қошма иштатлири, уругвай вә йавропа иттипақиниң русийәгә қарита бирләшмә байанат елан қилғанлиқини уқтурди. 

байанатта, бүгүн қирим игиливелинғанлиқиниң 10 йилни (2014-йили 2-айниң 19-күни), вә украинаниң «сәвәбсиз һалда кәң даирилик қанунсиз ишғалийити»ниң икки йилни арқида қалдурғанлиқиға ишарәт қилинип: «биз хәлқара қанунға очуқ-ашкара хилап бу қилмишни қәтий әйибләймиз» дйилди.

байанатта, русийәниң б д т омумий кеңишидә мақулланған қарарларни иҗра қилмиғанлиқидин  әпсуслинилғанлиқи қәйт қилинған байанатта: «хәлқара сотниң русийәни 2022-йили 24- мартта украинаға қарши башлиған һәрбий һәрикитини дәрһал тохтитишқа буйруған 2022 –йили 16-марттики «вақитлиқ тәдбирләрни йолға қойуш қарари»ниң чәкләш күчигә игә икәнлики, униң русийә тәрипидин иҗра қилиниши керәкликини тәкитләймиз» дегән ибариләргә орун берилди.

байанатта йәнә иран, беларусийә вә шималий корейә қатарлиқ дөләтләрниң русийәни һәрбий җәһәттин қоллишини давамлаштуруши әйибләнгән байанатта йәнә, москва украинаға қарши ишлитидиған қорал-йарағ вә оқ-дорилар билән тәминләшниң б д т хәвпсизлик кеңишиниң қарарлириға хилап икәнлики вә район характерлик җиддийчиликләрни улғайтиш арқилиқ барлиқ дөләтләрниң бихәтәрликини хәвпкә иттиргәнлики тәкитләнди.