америка ғәззәдә келишим һасил қилишниң мумкинликини билдүрди
исираилийәниң пәләстиндә пуқраларға қаратқан зораванлиқлири давамлишиватқан бир вақитта, америка йеңи байанат елан қилди.
түркийә авази радийоси хәвири: америка ташқи ишлар министирлиқи байанатчиси маттев миллер күндилик мухбирларни күтүвелиш йиғинида мухбирларниң соалиға җаваб бәргәндә, исраилийә уруш кабинетиниң әзаси бенний гантзниң «кишини үмидләндүридиған дәсләпки аламәтләр» бар дегән сөзи хатирилитилгәндә: «бизниңчә бу йәрдә келишим һасил қилидиған (пайдилиқ) орун бар дәп ойлаймиз, биз бу мәсилини әстайидил ойлишимиз» деди.
у сөзидә, американиң әсирләрни қойуп бериш вә тоқунушни тохтитиш арзусини әскәртип, ғәззәдә «һасил қилинған келишимни көрүшни халайдиғанлиқлири» ни билдүрди.
у: «биз һасил қилинған келишимни көрүшни халаймиз, келишимниң балдуррақ һасил қилинишини көрүшни халаймиз, бу әлвәттә рамизандин илгирики (11-март) вақитни өз ичигә алиду» деди.
миллерниң мәзкур байанати исраилийә уруш кабинетиниң әзаси бенний гантзниң пәләстин гуруппилири билән «йеңи әсир алмаштуруш келишими түзүш тиришчанлиқлириниң давамлишиватқанлиқи» вә бу мәсилидә «илгириләш аламәтлириниң барлиқи» һәққидә қилған сөзлиридин кейин, елан қилинди.
һамасниң қораллиқ қанити иззәддин әл қәссам биригадилири 7-өктәбир (2023) исраилийәгә кәң көләмдә һуҗум қозғиди.
исираилийәниң 7-өктәбирдин буйан ғәззәгә қилған һуҗумлирида, әң аз дегәндә 12 миң 660 кичик бала, 8 миң 570 айал болуп җәмий 29 миң 313 пәләстинлик җенидин айрилди, 69 миң 333 киши йариланди.
2023-йили 24-нойабир төт күнлүк уруш тохтитилған вә бу үч күн узартилған иди. бу җәрйанда, 81 исираилийәлик вә 240 пәләстинлик мәһбус өзара алмаштурулди.
