исраилийәниң ғәззәдики инсанийәткә хилап җинайити ләһәйдә сот қилинмақта
исраилийә ғәззәдә өткүзгән инсанийәткә хилап җинайити үчүн хәлқара җинайи ишлар сотида давамлиқ җавабкарлиққа тартилмақта.
түркийә авази радийоси хәвири: голландийәниң ләһәй шәһридики хәлқара җинайи ишлар соти бирләшкән дөләтләр тәшкилати тәләп қилған «мәслиһәтлишиш вә испат аңлаш соти» ачидиған болди.
бүгүн (19-феврал) башлинидиған испат аңлаш сотида, түркийәниму өз ичигә алған 52 дөләт вә үч хәлқаралиқ тәшкилат ағзаки байанат бериду.
б д т омумий кеңиши исраилийәниң ишғалийити астидики пәләстиндә йүргүзүватқан сийасәтлири вә иҗра қиливатқан бәлгилимиригә қарита 2022 - йили һәрикәткә өткән иди.
б д т исраилийәниң инсанийәтниң ғуруррини дәпсәндә қилидиған қанун - бәлгилимириниң қануний ақивәтлири һәққидә мәслиһәтлишиш вә испат аңлаш соти ечишни тәләп қилған иди.
хәлқара җинайи ишлар соти исраилийәниң қанунсиз қилмишлириға мунасивәтлик байқаш вә көзитишләргә қарап чиқип, қарар чиқириду.
аммиға очуқ өткүзүлидиған испат аңлаш соти пәләстинни тонуштуруш билән башлиниду. бир һәптә бойичә 52 дөләт вә үч хәлқаралиқ тәшкилат ағзаки байанат бериду.
лаһәй тинчлиқ сарийида өткүзүлидиған испат аңлаш соти нәқ мәйдандин тарқитилиду. түркийәму 26 - феврал (2024) да сотта өз қаришини оттуриға қойиду.
сот ахирлашқанда, иҗра қилиш күчигә игә болмиған қарар чиқирилиду.
хәлқара җинайи ишлар соти 2004- йилдики бир қарарида, исраилийәниң пәләстиндики ишғал қилған районларда салған тамлириға қарита «хәлқара қанунға хилаплиқ қилғанлиқ» дәп һөкүм елан қилған иди.
