доналд трамп бенйамин нетанйаһуниң йенивалғақлиқини ашкарилиди

түркийә авази радийоси хәвири: америка сабиқ пирезиденти доналд трамп иран инқилабий муһапизәт қилиш қисимлириға қарашлиқ  қуддус армийәси қомандани қасим суләймани өлтүрүлгән һәрикәт пиланиға исраилийәниңму шерик болғанлиқини, әмма бенйамин нетанйаһуниң һәрикәткә икки күн қалғанда буниңдин йенивалғанлиқини оттуриға қойди.  

трамп америка фокис хәвәрлири қанилиға бәргән байанатида, исраилийә баш министири нетанйаһуниң узун мәзгилгичә суләйманиға қарши елип берилидиған һәрикәтниң муһим бир парчиси болғанлиқини вә бу җәрйанда нурғун мәсилиләрдә һәмкарлашқанлиқини билдүрди.

доналд трамп: «биз суләйманини уҗуқтурғанда, исраилийә буни биз билән бирликтә қилған болуши керәк иди. һуҗумдин икки күн бурун: <биз буни қилалмаймиз> дейишти. андин мән өз гениралимизға бурулуп: <буни биз қилаламдуқ?> дәп соридим. у: <әлвәттә қилалаймиз әпәндим! у иш сизгә қалди> деди. мән: <ундақта қилайли!> дедим» деди.

у әслидә нетанйаһу билән исраилийәниң бу пиланниң муһим бир парчиси икәнликини ейтти.

қасим суләймани 2020 - йили 3 - йанварда ирақниң пайтәхти бағдад әтрапида америка учқуси қилинған һуҗумда өлтүрүлгән болуп, бу вәқәдин кейин америка билән иран оттурисидики зиддийәт кәскинлишип кәткән иди.