chilidiki ot apitide qaza qilghanlarning sani ashmaqta
jenubiy amérika döliti chilining ottura we jenubiy qismigha éghir tesir körsetken orman ot apitide qaza qilghanlarning sani 64 ke yetti.
türkiye awazi radiyosi xewiri: chili dairiliri ot apitining eng éghir tesirige uchrighan bir qisim rayonlarda jiddiy halet dairisining kéngeytilgenlikini we qaza qilghanlar sanining 64 ke chiqqanliqini élan qildi.
pirézidént gabriél borich sharaitni nezerde tutqanda, ot apitide hayatidin ayrilghanlarning köpiyishi mumkinlikini, düshenbe we seyshenbe (6-7-féwral) künlirini qaza qilghanlar üchün «döletlik matem küni» élan qilghanliqini éytti.
ichki ishlar ministiri karolina toha ot öchürüsh xadimlirining texminen 40 nuqtida otni kontrolluq astigha alghanliqini, 29 nuqtida ot apitige qarshi küreshning dawamlishiwatqanliqini eskertti.
ichki ishlar ministiri karolina toha yene, bezi jaylarda ot apitining «qesten» peyda qilinghan bolushi mumkinlikini oylshiwatqanliqlirini éytqan idi.