blinkén riyad, qahire, doha, tél awiw we gherbiy qirghaqni ziyaret qilidu

türkiye awazi radiyosi xewiri: amérika tashqi ishlar ministirliqi bayanat élan qilip, ministir antoniy blinkénning 4-féwraldin 8-féwralghiche bolghan jeryanda seudi erebistan, misir, qatar, israiliye we gherbiy qirghaq (iyordan deryasining gherbiy qirghiqi)ni ziyaret qilidighanliqini uqturdi.

bayanatqa qarighanda, antoniy blinkén tereplerning esir almashturush we «insanperwerlik nuqtisidin urush toxtitish»ni ishqa ashurush yolidiki kélishim hasil qilish jeryani toghrisida ehwal igileydiken we alaqidar döletler bilen ghezzege insanperwerlik yardem buyumlirini yetküzüp bérish mesilisini muzakire qilidiken.

israiliye bilen pelestining menggülük tinchliq ornitishini qolgha keltürüsh yolida diplomatik söhbetlernimu ötküzidighan ministir blinkénning küntertipide, husiylarning qizil déngizdiki hujumlirigha munasiwetlik eng yéngi özgirishlermu bar iken.