исраилийәниң ғәззәгә қаратқан һуҗумлирида қаза қилған пәләстинликләр сани 26083 кә йәтти
исраилийәниң 7-өктәбирдин буйан давамлаштуруватқан ғәззә һуҗумлирида кәм дегәндә 11 миңи бала вә 7500и айал болуп җәмий 26083 пәләстинлик қаза қилди, 64487 адәм йариланди.
түркийә авази радийоси хәвири: исраилийә армийәсиниң ғәззә һуҗумлириниң 113-күнидә, көпинчиси балилар вә айаллар болуп, нәччә он киши қаза қилди вә нурғун адәм йариланди.
пәләстинниң рәсмий хәвәр агентлиқи — вафаниң хәвиригә қариғанда, исраилийә айропиланлири ғәззәниң оттура қисмидики дәйр әләбәләх шәһиридики өйләргә һуҗум қилип, нурғун кишиниң җениға замин болған, йариланғанлар әқса шеһитләр дохтурханисида балинистқа елинған.
исраилийә армийәси ғәззәниң җәнубидики хан йунус шәһиридики өйләрни бомбардиман қилип, көпинчиси балилар вә айаллар болуп, тоққуз адәмниң җениға замин болған, бир қанчә кишини йариландурған.
исраилийәниң рәфаһ шәһириниң әлҗәнинә мәһәллисигә қаратқан һуҗумидиму икки кишиниң қаза қилғанлиқи, бир қанчә кишиниң йариланғанлиқи қәйт қилинди.
игилинишичә, һуҗумда гүмүрүлүп чүшкән биналарниң харабилики астида чиқирилалмиған кишиләр бар икән.
