amérika iraq we süriyediki qisimlirining 140 qétim hujumgha uchrighanliqini bildürdi

türkiye awazi radiyosi xewiri: péntagon muawin bayanatchisi sabrina sing kündilik muxbirlarni kütüwélish yighinida, ottura sherqning nöwettiki weziyiti toghrisida toxtilip, 17-öktebirdin buyan amérikaning iraq we süriyediki eskerlirining 140 qétim hujumgha uchrighanliqini, bularning 57 sining iraqta, 83 ining süriyede meydangha kelgenlikini bildürdi.

u qizil déngizdiki soda paraxotlirigha qiliniwatqan hujumlar heqqidimu toxtilip, yemendiki husiylarni bu xil qilmishlarni toxtitishqa chaqirdi.

sing bir muxbirning <israiliye ghezzege qaratqan hujumini toxtatsa, husiylarningmu hujumlirini axirlashturidighanliqini jakarlighanliqi>ni eslitip ötüshidin kéyin söz qilip, qizil déngizda yüz bergen ishlar bilen ghezzede yüz bergen ishlar otturisida héchqandaq baghlinish yoqluqini ilgiri sürdi.

amérika hökümiti tünügün «husiylar» dep atiliwatqan «ensarullah» herikitini «chet el térrorluq teshkilatliri tizimliki»ge kirgüzgenidi.