исраилийә баш иштаб башлиқи ливанға һуҗум қилишниң сигналини бәрди

түркийә авази радийоси хәвири: исраилийә армийәси байанат елан қилип, һерзи халевиниң ғәззәдики исраилийә әскәрлири билән көрүшкәндә байанат берип, исраилийә армийәсиниң ғәззәдики қуруқлуқ һуҗумлирида мувәппәқийәт қазанғанлиқини илгири сүргәнликини вә у йәрдики әскәрләргә хитаб қилип: «ғәззәдә силәр кирип вәйран қилалмайдиған бир километир йәрму болмиғанға охшаш, ливандиму силәр кирип йоқиталмайдиған бир район йоқ. силәрни зөрүр болған җайларға орунлаштуримиз, силәрму у йәрдә қилишқа тегишлик ишларни қилсиләр» дегәнликини билдүрди.

исраилийә армийәси билән һизбуллаһ арисида 8 – өктәбирдин буйан давам қиливатқан тоқунушларда һазирғичә 28 ливан пуқраси, 159 һизбуллаһ әзаси, 5 исраилийә пуқраси вә 9 исраилийә әскири өлди.