heniyye: hujum bashlanghandin buyan sirttiki ghezzelikler qaytip keldi, ichidikiler chiqip ketmidi

türkiye awazi radiyosi xewiri: ismail heniyye qatarning paytexti dohada ötküzülgen «dunya musulman ölimalar birleshmisi»ning 6-qétimliq omumiy yighinida söz qildi.

israiliyening ghezzege hujum qilip, hamasni yoqitip, esirlerni qutquzup, pelestinliklerge köchüshke mejburlashni pilanlighanliqini bildürgen heniyye: «israiliye ghezzede sadir qilghan irqiy qirghinchiliq we qetliamlargha qarimay, héchqandaq nishanigha yételmidi» dédi.

hujumning bashlanghinigha 100 künge yéqinliship qalghan bolsimu, israiliye istixbarati, gherbtiki ittipaqdashliri we ghezze asminida uchuwatqan uchquchisiz hawa apparatlirining hetta bir esirnimu qutulduralmighanliqini bildürgen heniyye,  esirlerni tirik qutuldurushning israiliye türmiliridiki barliq esirlerning qoyup bérilishige baghliq ikenlikini eskertti.

u israiliyening mejburiy köchürüsh pilani heqqidimu toxtilip: «bu nishanlar pelestin xelqining qarshiliqi we zéminigha bolghan sadaqiti sayisida meghlup boldi. urush jeryanida sirtta qalghan ghezzelikler ichige kirdi, emma ghezzedikiler sirtqa chiqip ketmidi» dégenlerni sözlirige ilawe qildi.