pakistan oman déngizigha herbiy paraxot orunlashturdi

türkiye awazi radiyosi xewiri: pakistan déngiz armiyesining ammiwi munasiwetler ishlirigha mesul idarisi éks (X) bétide bayanat élan qilip, yéqinqi künlerde oman déngizida yüz bériwatqan «bixeterlik weqeliri» sewebidin, mezkur déngizida herbiy paraxot orunlashturghanliqini bildürdi.

oman déngizida xelqaraliq déngiz qatnishini nazaret qilish üchün herbiy paraxot orunlashturulghanliqi eskertilgen bayanatta, rayonda keng kölemlik hawadin nazaret qilish ishliriningmu qiliniwatqanliqi qeyt qilindi.

yemendiki iran qollishi astidiki husiylar, isirailiyening qorshaw astidiki ghezzege qilghan hujumlirigha jawaben babul mendeb boghuzida «Unity Explorer» we «Number Nine» namliq ikki isirailiye paraxotigha uchqu bilen hujum qilghan idi.

isirailiye déngizchiliq shirkiti zim (ZIM) we bashqa xelqaraliq shirketler, husiylarning qizil déngizdiki künséri köpiyiwatqan hujumliri sewebidin qizil déngiz qatnishini toxtatqanliqlirini élan qilghan idi.

amérika dölet mudapie minstirliqi 6-dékabir (2023) yemendiki husiy küchlirining qizil déngizdiki soda paraxotlirigha qiliwatqan hujumliri seweblik xelqaraliq «déngiz herbiy küchi» qurush üchün muzakirelerning ötküzülgenlikini bildürgen idi.

18-dékabir (2023) «refahni muhapizet qilish herbiy herikiti» namida köp dölet qisimliridin terkip tapqan herbiy qisimning qurulghanliqi élan qilinghan idi.