erdoghan wiladimir zélénskiy bilen téléfonda körüshti
jumhur reis rejep tayyip erdoghan ukraina pirézidénti wiladimir zélénskiy we somali pirézidénti hesen sheyx mehmud bilen ayrim ayrim téléfonda körüshti.
türkiye awazi radiyosi xewiri: jumhur reislik mehkimisi uchur - alaqe idarisining ijtimaiy alaqe hésabatida élan qilinghan uchurgha asaslanghanda, erdoghan-zélénskiy uchrishishida, rayon xaraktérliq we xelqaraliq mesililer, bolupmu ukraina-rusiye urushi muzakire qilinghan.
söhbette erdoghan türkiyening hem ukraina hem pelestin zéminidiki éqiwatqan qanning toxtitishi shundaqla uzaq muddetlik tinchliqni berpa qilish üchün küchlük tirishchanliq körsitiwatqanliqini bildürüp, ukrainada tinchliqning ishqa éshishi üchün türkiyening qolaylashturghuchi rolini öz üstige élishqa hemde tinchliq muzakirilirige sahibxanliq qilishqa teyyar ikenlikini uqturghan.
jumhur reis erdoghan ashliq karidorining qayta retke sélinip, ishqa kirishtürülüshining mohimliqini we bu meqsette diplomatik alaqini dawamlashturidighanliqini éytqan.
erdoghan söhbette ukrainada urush toxtitishni tézdin ishqa ashurup, tinchliq derwazasi izdesh kéreklikini otturigha qoydi.
jumhur reis erdoghan bilen somali pirézidénti mehmud otturisidiki téléfon söhbitide bolsa, türkiye-somali munasiwetliri, térorluqqa qarshi küresh, xelqaraliq we rayon xaraktérliq mesiler muzakire qilindi.
erdoghan söhbette, türkiyening térorluqqa qarshi küreshte somalining yénida turidighanliqini we ikki döletning hemkarliqining künséri küchiyidighanliqini bildürdi.
jumhur reis erdoghan somali bilen éfiyopiye otturisidiki endishe jiddiylikning somalining zémin pütünlüki asasida axirlishishi kéreklikini otturigha qoydi.