antony blinkén ukrainada ziyarette boldi
amérika qoshma ishtatliri tashqi ishlar ministiri antoniy blinkén 2022-yili féwraldin buyan rusiye bilen jeng qiliwatqan ukrainani qollaydighanliqini namayan qilish üchün, yene bir qétim ukraina paytexti kiyéwda ziyarette boldi.
2139453
türkiye awazi radiyosi xewiri: amérika tashqi ishlar ministiri antoniy blinkén ijtimaiy taratqu supisi «X» tiki adrésida uchur hembehrilep, dölitining ukrainani qollaydighanliqini tekitlidi we uchurida: «men bügün rusiyening tajawuzchiliqigha qarshi erkinlik kürishini dawamlashturuwatqan ukrainani qollash iradimizning tewrenmeydighanliqini namayan qilish üchün kiyéwgha qayttim» dégen ibarilerge orun berdi.
amérika tashqi ishlar ministirliqi bayanatchisi matéw millér ministir blinkénning uchurini neqil keltürüp, blinkénning kiyéwda ukraina pirézidénti wolodimir zélénskiy we bashqa yuqiri derijilik rehberler bilen körüshidighanliqini éytti.
millér ministir bilinkénning ukrainaliq yuqiri derijilik emeldarlar bilen amérikaning yéngi bixeterlik we iqtisadiy yardemliri arqiliq ukraina iqtisadini eslige keltürüsh tirishchanliqining tesirlirini muzakire qilidighanliqini bildürdi.
rusiye yéqinqi künlerdin buyan ukrainaning shimalidiki xarkiwgha qaratqan hujumlirini kücheytip, rayonni yene bir qétim qiziq liniyege aylandurghanidi.
rusiye armiyesi yéqinqi bir nechche kün ichide xarkiw rayonidiki 10 nechche olturaq rayonni qolgha kirgüzüwalghan, ukraina rusiyening künséri küchyiwatqan hujumlirigha qarshi turush üchün, gherbtin herbiy yardemni kücheytishni telep qilghanidi.
مۇناسىۋەتلىك خەۋەرلەر
nigériyede qoralliq hujum yüz bérip nurghun adem öldi
nigériyening kaduna ölkiside bir bazarda yüz bergen qoralliq hujumda 12 adem hayatidin ayrildi.