blinkén bügün kechte türkiyege kélidu

türkiye awazi radiyosi xewiri: diplomatik menbelerdin igilengen uchurlargha asaslanghanda, amérika tashqi ishlar ministiri antoniy blinkén bügün kechte istanbulgha kélidu.

antoniy blinkénning türkiyediki uchrishishliri dairiside türkiye jumhuriyiti tashqi ishlar ministiri xaqan fidan bilen körüshüshi we jumhur reis rejep tayyip erdoghan teripidin qobul qilinishi kütülmekte.

amérika tashqi ishlar ministirliqi bayanatchisi matéw millér tünügün ötküzülgen kündilik muxbirlarni kütüwélish yighinida, ministir antoniy blinkénning türkiye, girétsiye, iyordaniye, qatar, ereb birleshme xelipiliki, seudi erebistan, israiliye, iyordan deryasining gherbiy qirghiqi we misirni ziyaret qilip, mensepdashliri bilen «israiliyening 7-öktebirdin kéyin hamasqa qarshi élip bériwatqan herbiy herikiti, ghezzege insanperwerlik yardimi yetküzüp bérishni köpeytish we esirlerning qoyup bérilishi» qatarliq bir qatar halqiliq mesililerni muzakire qilidighanliqi we pikir almashturidighanliqini éytti.

matéw milér tashqi ishlar ministiri antoniy blinkénning türkiye ziyariti jeryanida, «uzun yilliq rayon xaraktérlik hemkarliqlar» we shiwétsiyening shimaliy atlantik ehdi teshkilati — natogha eza bolushi yolida tashliniwatqan qedemler toghrisida sözlishidighanliqini bildürdi.