«харетз» гезитиниң йазғучиси гидеон леви исраилийәликләрниң адимийликини йоқатқанлиқини ейтти
«харетз» гезитиниң йазғучиси гидеон леви исраилийәниң ғәрбий қирғақ вә ғәззә районидики ишғалийәтлири үчүн бәдәл төлимәй туруп, һечқандақ өзгириш болмайдиғанлиқини билдүрди.
түркийә авази радийоси хәвири: гидеон леви әнгилийәлик паалийәтчи вә журналист овен җонесниң программисида қилған сөзидә, исраилийә хәлқиниң 7-өктәбирдин буйан интайин өзгирип кәткәнликни ейтти.
леви исраилийә хәлқиниң еғир дәриҗидә өзгирип кәткәнликини, зораванлиқни қоллайдиған нуқтиға келип қалғанлиқини билдүрүп: «мән өзәмни һечқачан бундақ йалғуз һес қилип бақмиған» деди.
7 - өктәбирдики һамасниң исраилийәгә қилған һуҗумидин кейин, нурғунлиған исраилийәликләрниң адимийликини йоқатқанлиқини тәкитлигән леви: «пәләстинликләр шунчә узун йиллардин буйан мушундақ һуҗумларниң астида йашаватиду вә уларниң немиләрни баштин кәчүргәнликини тәсәввур қилип беқиңлар» деди.
леви исраилийә җамаәтчиликидә пәләстинликләрниң адәм қатарида көрүлмәйдаиғанлиқини вә алвастилаштурулғанлиқини әскәртип йәнә мундақ деди:
«исраилийәликләр пәләстинликләрни инсан қатарида көрмәйдиған болғачқила өзлирини пәләстинликләрниң орниға қойуп ойлийалмайду»
леви пәләстинликләрниң наһайити кәң қорсақ икәнликини тәкитләп: «мениң җәмийәтниң һәрқайси қатламлири билән көрүшүп игилишимчә, пәләстинликләр һазирму иззәт-һөрмәт вә баравәрлик ичидә биллә йашашни халайду» деди.
