йапонийә деңиз-окйан ширкәтлири хусийларниң һуҗумлири сәвәбидин қатнаш линийәсини өзгәртти
йапонийә деңиз-окйан ширкәтлири йәмәндики иран қоллаватқан шиә хусийларниң қизил деңиздин өткән сода парахотлириға йеқиндин буйан һуҗум қилишни башлишидин кейин, қатнаш линийәсини өзгәртти.
түркийә авази радийоси хәвири: йәмәндики хусийларниң һуҗумлири ақ деңизни қизил деңизға туташтуридиған вә йәр шари содисиниң %12 ини әмәлгә ашуруватқан сувәйиш қанилидин парахотларниң өтүшигә еғир хәвп йаратмақта.
йапонийә дөләтлик радийо- телевезийә идариси «NHK» ниң хәвәр қилишичә, «ниппон йусен» вә «митсуй OSK линийәси» ширкәтлири йавропаға баридиған тирансипорт парахотлириниң йолини өзгәрткән.
хәвәрдә, бу линийә өзгиришиниң «хусийларниң исраилийәгә четишлиқ тиранспортларни һуҗум нишани қилиш еһтималлиқи» сәвәбидин елип берилғанлиқи вә парахотларниң җәнубий африқадики үмид томшуқи тәрәпкә йүзләндүрүлгәнлики билдүрүлди.
дөләтлик таратқуларда кавасаки кисен кәйша (K линйәси) вә окйан тори тез йолланма ширкәтлириниңму хусийларниң һуҗумлири сәвәбидин тиранспорт линийәсини өзгәрткәнлики хәвәр қилинди.
йеңи линйәләрниң мал йәткүзүштә кечикишләрни вә қатнаш тәннәрхиниңму өсүп кетишини кәлтүрүп чиқириши, дунйа иқтисадида «тәминләш зәнҗири кризиси» ға сәвәб болидиғанлиқи һәққидики әндишиләр күчәймәктә.
