blinkén amérikaning musteqil pelestin döliti qurulushigha bergen wedisini qayta tekitlidi
amérika tashqi ishlar ministiri antoni blinkén firansiye, gérmaniye we engliyelik mensepdashliri bilen élip barghan téléfon söhbitide, «musteqil bir pelestin döliti qurush» üchün bergen wedisini qayta tekitlidi.
türkiye awazi radiyosi xewiri: amérika tashqi ishlar ministirliqining yazma bayanatigha asaslanghanda, blinkén firansiye tashqi ishlar ministiri katérin kolonna, gérmaniye tashqi ishlar ministiri annalina bayérbok we engliye tashqi ishlar weziri dawid kaméron bilen téléfonda körüshken.
blinkén söhbette, ghezzege insanperwerlik yardemlerni baldurraq yetküzüshning muhimliqini, puqralarning öltürülüsh nisbitini eng töwen chekke chüshürüsh we rayondiki jiddiylikning téximu keskinliship kétishining aldini élishning zörürlikini tekitligen.
amérikaning musteqil pelestin döliti qurulushigha bergen wedisini qayta tekitligen antoni blinkén, qizil déngizda husiylarning paraxotlargha qilghan hujumini eyibligen we déngiz bixeterliki jehette hemkarliq ornitishni chaqiriq qilghan.
söhbette ministirlar yene, ukrainagha yardem bérish mesilisinimu muzakire qilghan.
