xitay we rusiye ayropilanliri yaponiye hawa tewelikige yéqin jayda uchqan
yaponiye dölet mudapie wazariti xitay we rusiye ayropilanlirining yaponiye hawa teweliki etrapida birlikte uchqanliqini bildürdi.
türkiye awazi radiyosi xewiri: yaponiye dölet mudapie wazaritining bayanatida bildürülishiche, xitayning ikki dane «H-6» tipliq ayropilani we rusiyening ikki dane «Tu-95» tipliq ayropilani, yapon déngizi asminida birlikte uchqan.
bayanatta, yaponiye hawa armiyesining ayropilanlirining aldini élish üchün kökke kötürülgenliki qeyt qilindi.
bayanatta, xitay we rusiyening bombardimanchi ayropilanlirining yaponiye hawa tewelikige xilapliq qilmighanliqi eskertildi.
bayanatta yene, yaponiye hökümitining «birlikte uchushqa qarita chongqur endisheliri» ni, béyjing we moskwa dairilirige diplomatik yollar bilen yetküzgenliki qeyt qilindi.
kyodo agéntliqi xitay we rusiyening bombardimanchi ayropilanlirining iyundimu (2023) yaponiye hawa telikige yéqin jayda birlikte uchqanliqini xewer qildi.
