қатар: келишимниң иҗра қилиниш вақти кәлгүси бир қанчә саәт ичидә елан қилиниду
қатар ғәззәдики тоқунушларни вақитлиқ тохтитиш келишимини иҗра қилишни башлаш вақтиниң кәлгүси бир нәччә саәт ичидә елан қилидиғанлиқини уқтурди.
түркийә авази радийоси хәвири: қатар ташқи ишлар министирлиқи байанатчиси мәҗид әләнсари қатар рәсмий хәвәр агентлиқи _ QNA ға байанат берип, қатар билән мисирниң мурәссә қилиши нәтиҗисидә, һамас билән исраилийә оттурисида һасил қилинған тоқунушларни вақитлиқ тохтитиш келишиминиң тәпсилатлири тоғрисидики сөһбәтниң иҗабий йөнилишни бойлап давам қиливатқанлиқини ейтти.
келишимниң йолға қойулуш вақтиниң алдимиздики саәтләрдә елан қилинидиғанлиқини билдүргән әләнсари, келишимниң тездин күчкә игә болуши вә тәрәпләрниң буниңға әмәл қилишиға капаләтлик қилиш үчүн, мисир вә америка қошма иштатлириниң тиришчанлиқи сайисида хизмәтләрниң ишлиниватқанлиқини қәйт қилди.
бу җәрйанда, исраилийә дөләт бихәтәрлик кеңиши рәиси тзачи ханегби, һамас билән болған тоқунушни инсаний мәқсәттә вақитлиқ тохтитип туруш келишими даирисидики әсир алмаштуруш хизмәтлирини җүмә күнидин бурун иҗра қилғили болмайдиғанлиқини әскәртти.
у, әсир алмаштурушниң һасил қилинған келишимгә асасән иҗра қилинидиғанлиқини сөзлиригә илавә қилди.
исраилийә билән һамас әсир алмаштуруш тоғрисидиму келишим һасил қилғаниди.
исраилийә тәрәп 50 исраилийәлик әсирниң тапшуруп берилидиғанлиқини, һамас тәрәп, буниң бәдилигә 150 пәләстинлик мәһбусниң қойуп берилидиғанлиқини елан қилғаниди.
