нато украинаға қилинидиған қорал-йарағ йардимини көпәйтиду
нато билән йавропа иттипақи алдинқи сәпләрдә зор қийинчилиққа учраватқан украинаға қорал-йарағ вә оқ-дора йардимини көпәйтиш керәкликидин бешарәт бәрди.
түркийә авази радийоси хәвири: нато баш катипи столтенберг белгийә пайтәхти бирйусселда «украина» күнтәртипидә өткүзүлгән йавропа иттипақи дөләт мудапиә министирлири йиғинидин илгири мухбирларниң соаллириға җаваб бәрди.
у: «алдинқи сәпләрдики әһвал наһайити қийин. бу җәһәттин ейтқанда, украинани қоллашни давамлаштуруш вә қилинидиған қорал-йарағ , оқ-дора йардими интайин муһим. чүнки русийә пирезиденти владимир путинниң ғәлибә қилишиға рухсәт қилалмаймиз» деди.
йавропа иттипақи ташқи мунасивәтләр вә бихәтәрлик сийасити алий вәкили җосеп боррелму иттипаққа әза дөләтләрниң украинаға искилатидики оқ-дориларни йардәм қилиш басқучидин өтүп кәткәнликини, шуңа украинаға йардәмләрни давамлаштуруш үчүн қорал-йарағ, оқ-дора ишләпчиқириш миқдарини көпәйтиш керәкликини тәкитлиди.
у қорал-йарағ, оқ-дора ишләпчиқириш миқдарини көпәйтиш үчүн һөкүмәтләр билән санаәтчиләр оттурисида учришишларниң давамлишиватқанлиқини, бүгүн (14-нойабир) ки йиғинда бу мәсилиниң музакирә қилинип, украинани қандақ қилғанда техиму тез сүрәттә оқ-дора билән тәминләшни капаләткә игә қилғили болидиғанлиқи үстидә пикир алмаштурулидиғанлиқини билдүрди.
