фирансиско рокка исраиләийәниң һуҗумлириға «болди йетәр!» дәп наразилиқ билдүрди

түркийә авази радйоси хәвири: рокка исраилийәниң муһасириси вә күчлүк һуҗумлири астидики ғәззәниң вәзийити һәққидә X иҗтимаий алақә суписида һәмбәһирлигән учурида, «болди йетәр! хәлқара җәмийәт ғәззәдики вәзийәтни қандақ қобул қилалисун? қуддус дохтурханисидиики бовақлар вә еғир кесәлләрниң һайати хәвп астида» деди һәмдә урушни дәрһал тохтитишқа чақириқ қилди.

фирансиско рокка ғәззәгә инсанпәрвәрлик йардиминиң йетип беришни капаләткә игә қилиш вә  йеқилғуниму өз ичигә алған барлиқ йардәмләрниң ғәззәниң шималиғиму йетип келиши керәкликини тәкитлиди.

хәлқара қизил крест вә қизил һилал җәмийити баш катипи җаган чапагайинму иҗтимаий алақә суписидики байанатидапәләстин қизил ай җәмйитиниң интайин қорқунчлуқ бир вәзийәткә қалған қуддус дохтурханисиниң йенида еғир бомбардиманларниң давамлишиватқанлиқини билдүргәнликини ейтти.

җаган чапагайин «бовақларниму өз ичигә алған нурғун кишиләрниң һайати хәвп астида турмақта, дохтурханилар чоқум қоғдилиши керәк» деди.